Hugot nga ginakontra ni Aklan first district board member Nemesio Neron ro hagna nga ginaduso ni Senador Ronald Dela Rosa angot sa pagdecriminalize sa paggamit it illlegal nga droga.
Suno sa konsehal, bukon it tama nga ro katuyuan it pagdecriminalize sa paggamit it illegal nga droga hay para inde eon madugangan ro mga nagapanggutok nga kulungan.
Ginpahayag dugang nga maabo ro mga pamatan-on nga magakaumangon, masamad ro andang bwas damlag ag mas eabi pang uwa it puturo ro nasyon kon madayon ro nasambit nga hagna.
Makaron sigon nga criminalize pa raya hay abu eon ro nagagamit anu pa ayhan suno kana kon idicriminalize ro mga users.
Salot sa sosyodad suno kana ro illegal nga droga rason nga inde raya dapat pagpasugtan nga maging legal sa nasyon.
Nauna eon nga gin-insister ni Dela Rosa nga suportado it Department of Health ro gusto kara nga tikang angot sa anang ginaduso nga hagna.
