Natimbog it Bureau of Customs (BOC) ro masobra P63 million haega it smuggled frozen foods nga nag-abot sa Manila International Container Port (MICP) maghalin sa Hong kong ag China.
Suno kay BOC Commissioner Yogi Filemon Ruiz, nag-ugat ro nasambit nga operasyon sa nabaton nga intelligence reports it Customs Intelligence and Investigation Service-MICP angot sa pag-abot it daywang container vans maghalin sa Hongkong ag daywang container van maghalin man sa China nga may sueod it mga frozen meat products apang gindeklara it consignees nga libu-libong kilo it frozen prawn balls
Ro mga container vans sigon nga maghalin sa Hong kong hay nag-abot sa nasyon ko Nobiyembre 17 samtang ro naghalin mat-a sa China hay nag-abot ko Nobiyembre 18.
Ro kada ap-at sigon nga container hay may masobra sa P15,750,000 haega it suspected misdeclared frozen goods.
Nadiskubre sa inspection it BOC maghalin sa container vans maghalin sa Hong Kong ro mga frozen tofu, chicken paws, ag boneless beef, Vietnamese suckling pig, ag beancurd skin.
Sa container vans maghalin sa China mat-a hay nadiskubre man it frozen fish tofu ag frozen beef cheek meat.
Insigida man nga nag-isyu it Alert orders si BOC Deputy Commissioner Juvymax Uy kontra sa Victory JM Enterprise OPC nga importer it daywang containers it frozen prwn balls maghalin sa Hongkong kamana man sa importer maghalin sa China.
Samtang, ginpahaom eon man ro kasong pag-eabag sa Sec. 1400 ukon misdeclaration in goods declaration may kaagtanan sa Sec. 1113 ukon property subject to seizure and forfeiture kotra sa mga sa likod it smuggling.
