Aminado si Philippine National Police chief PGen. Rodolfo Azurin Jr. nga may namomonitor sa gihapon ro pulisya nga mga nagapahampang it e-sabong sa Pilipinas.
Raya hay sa pihak it pagbawae ag pagpapundo it mga otoridad sa operasyon kara bangud sa naging negatibong epekto kara sa maabung manughampang kaeakip eon ro pagkaduea it 34 nga mga sabungero sa Laguna.
Ginpahayag ni PNP chief Azurin nga angot kara hay nagtao eon imaw it direktiba sa tanan nga National Support Unit it pambansang pulisya para pagkigbuylogan nga tugison ag tapnaon ro mga ilegal nga naga operate it online sabong sa Pilipinas.
Gin-insister pa ni Gen. Azurin, nga dapat nga matuldukan eon ro ilegal nga mga operasyon kara bangud posible sigon nga tunaan raya it nagakaeain-eain nga klase it krimen.
Kung madumduman , sa administrasyon ni dating Pangulong Rodrigo Duterte ginpatuman ro pagbawae ag papundo sa operasyon it online sabong sa nasyon bangud sa pagkalulong kara it mga manugtaya nga nagiging rason pa it andang pagkaeubog sa sa utang.
