Napagbagbag it air defense forces it Ukraine ro kapin sa 11 Iranian-made drones nga ginatarget ro Kyiv.
Suno sa Kyiv military administration, gintamaan it pilang drone fragment ro daywang administrative buildings sa sentro it kabisera.
Sa makaron, owa pa it naireport nga casualties sa insidente.
Una kara, makapilang beses eon man nga gintarget it Russia it missiles ag drones ro energy infrastructure it Ukraine umpisa ko nagtaliwan nga buean it Oktubre.
Gin-alegar man it ukraine nga ro Iran ro naga-suplay it Kamikaze drones nga ginamit sa deadly attack ko Oktubre 17.
Samtang, ginpahayag man it sangka Russian commander nga indi makasarang ro ro Russia nga piyerdihon ro pwersa it North Atlantic Treaty organization (NATO) nga owa nagagamit it nuclear weapons.
