Ginapanawagan it Employers Confederation of the Philippines (ECOP) kay Pangueong Bongbong Marcos nga ipaiway ro dugang nga kontribusyon it Social Security System (SSS).
Suno kay ECOP President Sergio Ortiz-Luis, owa sa tiempo ukon bad timing ro contribution hike bangud sa mataas nga inflation nga naexperiensiyahan sa nasyon.
Dapat sigon nga makaangkon it sangkiri nga extension ukon postponement sa pagtaas it kontribusyon.
Gindugang pa ni Luis nga maabung microbusiness, employer ag investor ro magreklamo sa contribution hike.
Ginpunto man ni Trade Union Congress of the Philippines Secretary General Arnel Dolendo nga owa sa tiempo ro dugang nga kontribusyon bangud nga mataas ro inflation ag manaba ro purchasing power it mga trabahador.
Ginpaandam ni Dolendo nga mas pang magakalisod ro kabuhi it mga trabahador kon makaron igapataas ro kontribusyon.
