Sangka babaye ro presenteng naga apply sa Guinness World Records agud nga kilaeahon ro anang alagang manok bilang pinakamagueang sa bilog nga kalibutan sa edad nga 20.
Suno kay Marsi Parker Darwin it Waterloo nga sambilog sa anang amigo ro nag engganyo kana nga mag apply online agud nga kilaeahon ro manok nga si Peanut bilang pinakamagueang nga nagakabuhi nga manok sa bilog nga kalibutan.
Owa man imaw napas-eawan bangud nga makataliwan ro daywang domingo hay nakabaton imaw it instructions kon paalin nga magtipon it mga ebidensiya eakip ro mga litrato, videos, pahayag it mga testigo ag media coverage.
Ginpahayag ni Darwin nga nag-umpisa imaw nga mag-alaga it mga manok ko 1990s, ag ko unang parte it dag-on 2000, sangka Nankin nga munga ro nag-itlog matapos ro love affair sa sangka Mille Fleurs nga agak.
Sambilog nga itlog ro napas-eawan nga magbotu’ rason nga igapilak eon kunta raya sa sapa agud nga makaon it mga isda , apang gulpi imaw nga nakabati it paghuni it isiw.
Ro nasambit nga isiw hay si Peanut nga gin-alagaan ni Darwin matapos nga gin-reject it anang ina.
Nasayuran nga ro Guinness World Records hay may nakalista nga category para sa oldest living chicken sa andang website, apang owa it natumod kon sin-o ro presenteng record-holder.
