Nagtaeana it mabahoe nga parte ro administrasyong Marcos angot ekonomiya it nasyon para sa pagpa-umwad it imprastraktura kamana man ro pagtaas it badyet para sa agrikultura ag pag-alaga sa ikamayad nga eawas.
Ro departamento hay nagtaean it 5% hasta 6% it dag-onan nga gross domestic product (GDP) sa idaeom it mga programang “Build Better More”.
Dugang kara,para mabuhinan ro epekto it pagbag-o it panyempo, ginasuportahan it Budget department ro National Greening Program it Department of Environment and Natural Resources (DENR) ag ro Renewable Energy Development Program it Department of Energy (DOE).
Suno sa DBM, nagtaeana man raya it mabahoe nga haega sa 2023 national budget para sa mga climate-related expenditures.
Nakalista man sa mga nahimo it DBM makaron nga dag-on ro agresibong digitalization kara kasunod sa agenda ni Pangueong Marcos.
Sa idaeom it digitalization thrust kara ,ginpaeapad it DBM ro Action Document Releasing System (ADRS) ag ginatigayon ro Unified Reporting System (URS) Encoding sa mga regional office kara.
Ro Budget department hay gin-digitalize man ro Public Financial Management Program ag ro Learning Management System (LMS).
