Ginpiyermahan it Department of Agriculture (DA) ro Minutes of the Meeting to Amend the Records of Discussion para sa technical cooperation project sa Japan International Cooperation Agency (JICA).
Ginpiyermahan it magtimbang nga partido ro binag-ong proyekto, partikular para sa Market Driven Enhancement of the Vegetable Value Chain in the Philippines (MVC2), nga gin-umpisahan ko 2022.
Sa pagpueong, ginpahayag ni DA Senior Undersecretary Domingo Panganiban nga ro tikang hay tuyong mapamayad ro presenteng logistik sa agricultural value chain it nasyon.
Sa pagtaas it mga presyo it pagkaon ag kakueangan it food supply chain bangud sa mataas nga haega it logistik, kinahangean nga mag-usoy it pamaagi kung siin posibleng mapanaba ro mga gastos sa produksyon, maghatod it mga kalakal sa mga baealigyaan, ag himuon nga mas barato ro haega.
