Bangud sa padayon nga naga-iral nga hanging amihan ag eakip eon ro gin-abiso it Pag-Asa nga gale warning, daywang ka banwa sa probinsya it Aklan nga may mga baybayon ro apektado nga nagtuga it halit sa propyedad ag pangabuhian it mga pumueoyo.
Suno kay MJ Jismundo, chief of operation and warning section it Provincial Disaster Risk Reduction Management Office ukon PDRRMO Aklan nga daywang ka barangay sa Kalibo ro apektado ag pilang ka barangay man sa munisipalidad it New Washington.
Sa barangay Pook suno kana hay nakalista ro council it 16 nga nawasak nga panimaeay nga ginakaeakipan it 9 ka totally damage ag 17 ka partially damage.
Mag-eowas kara, 13 ka baroto man ro partially nga nahalitan ag ap-at ro inde eon gid mapuslan nga ginagamit sa pangabuhian it mga residente.
Angot kara, 81 ka mga indibidwal ro apektado sa nasambit nga barangay.
Samtang sa barangay Caano hay 14 ka panimaeay ro totally damage ag daywa ro partially kamana man uwa it nasamad nga baroto bangud nga nahimos eagi nanda ro mga raya.
Kapin man sa 61 ka mga indibidwal ro apektadong residente.
Sa pihak nga parte sa banwa it New Washington hay may nailista nga storm surge ag coastal flooding kon sa siin an-om ka panimaeay sa barangay Poblacion ro partially damage; ap-at sa Tambak ag sambilog sa Polo sa nasambit nga banwa.
