Haum nga magpasakop ro pilang estudyante sa “SIM registration law” nga nag-umpisa ro implementasyon makaron nga adlaw it martes, disyembre 27.
Apang suno kay Aveliano Flores, college student it sangka pribadog eskwelahan sa banwa it kalibo nga posibleng sa enero it masunod nga dag-on nana raya pagahimuon.
Ginpahayag nga ro pagpa-rehistro it sim hay magabuhay pa it 180 days ukon an-um nga buean, kun sa siin paga-obserbahan anay sigon nana ro pagahimuon nga test registration.
Posible sigon nga makaangkon pa makaron it mga glitches ukon minor errors.
Nagapati man si flores nga may manami nga benepisyo ro nasambit nga laye nga nagatuyo nga mabawasan kon indi man eubusan nga matapna ro mga krimen ag scam nga ginapatigayon pinaagi sa mga text message kaibahan ro mga spam message.
Madumduman nga nauna eon nga ginpadumdum it DICT nga ro SIM registration hay pagahimuon pinaagi sa online eamang rason nga siguraduhong legit ro gina-agtunan nga mga website.
