KALIBO, Aklan—Nag-umpisa eon nga magmahae ro mga bilog na prutas, tatlong adlaw antes ro pagsug-aeaw it bag-ong dag-on.
Sa paglibot it Bombo news team sa mga fruit stand sa may Roxas Avenue, Kalibo, naga-abot eon sa 3 for 100 ro mansanas, peras ag orange samtang ro kiat-kiat hay nagapabilin sa P100 pesos ro kada bag.
May pagtaas man it P20 pesos sa presyo it kada kilo it ubas ag iba pang prutas.
Suno kay Imelda Dela Cruz, sangka fruit vendor nga ro tanan nga mga stock nga nag-abot makaron nga adlaw hay nagsaka ro per box it P50 hasta P300 pesos.
Bangud sa pagtaas pa it demand sa prutas samtang nagahilapit ro tradisyunal nga media noche, posible pa gid suno kana nga magsaka ro presyo hin-aga nga adlaw it Biyernes.
Apang sa Disyembre 31 hay ginaeauman nga uman nga maga-us-us ro presyo agud nga maubos ro andang baligya partikular ro mga wholesaler.
Sa pihak nga parte, ginareklamo it pilang fruit vendor nga bangud sa pagbaligya online ag kada kanto it mga prutas hay naging mahina ro mga nagabakae kanda.
Ginpasiguro man nana nga bastante ro andang stock para sa mga last-minute buyer.
