KALIBO, Aklan—Sobrang kaeamig it tyempo ro presenteng na-eksperyensyahan it mga pumueoyo sa Sweden.
Raya hay tuga it winter storm sa andang nasyon.
Suno kay Bombo International Correspondent Janice Fuentes it Sweden nga masyadong madueom ro palibot makaron idtu.
Sa mayad nga swerte suno kana hay bukon it masyadong mabaskog ro pag-uean it niyebe bukon it kaparehas sa nagakatabo sa pilang parte it Amerika ag Japan.
Masami sigon sa raya nga panyempo hay nagasuksok ro mga tawo it madamoe nga eambong, winter boots, gwantes ag scarp agud nga mabawasan ro eamig it temperatura.
Dugang pa kara nga masyadong delikado ro sigidas nga pag-uean it yelo bangud posible raya nga magtuga it grabe nga sitwasyon kapareho it pagkasamad it mga baeay, saeakyan ag pagkamatay it mga tawo.
