Ginpaathag it Philippine National Police (PNP) may kaangtanan sa ginpaguwa karang service recognition incentives (SRI) para sa andang mga personnel nga nagtuga it pagkadismaya matapos ro owa gina-eauman nga pagnaba it haega it andang nabaton makaron nga dag-on kumpara ko nagtaliwan nga dag-on.
Maghalin sigon sa nakaangdan nga P10,000, nakabaton eamang ro 227,604 uniformed ag non-uniformed personnel it PNP ko Enero 4 it standard nga P7,000.
Mag-eowas kara, ginpaidaeom sa gihapon raya sa 25 hasta 30 percent tax.
Ginpaathag ni PNP spokesperson Col. Jean Fajardo nga ro haega it service recognition incentives (SRI) hay depende sa available budget nga maghalin sa General Appropriations Act (GAA), partikular sa Personnel Service Allotment.
Ginpahayag dugang pa ni Fajardo nga klaru sa guideline nga ginpaguwa DBM nga ro service recognition incentives (SRI) hay igaipadaeom sa 25 hasta 30 porsiyento sandig sa Tax Reform for Acceleration and Inclusion (TRAIN).
Madumduman nga ro mga manugturo hay nakabaton it kapin a P15,000 service recognition incentives (SRI) samtang ro Armed Forces of the Philippines (AFP) hay nakabaton mat-a it P20,000 service recognition incentives (SRI).
