KALIBOP, Aklan—Kadungan sa pagkangay sa kapistahan ni Sr. Sto. Niño de Kalibo, nag apela ro simbahan nga indi magtuga it anuman nga kinagamo sa tunga it selebrasyon.
Suno kay Fr. Tudd Belandres, parish moderator it St. John the Baptist Cathedral nga kabay nga owa it mailistang untoward incidents.
Nagaeaum imaw nga magapabilin nga maayos ro sitwasyon hasta sa kaadlawan sa Domingo Enero 15 kun sa siin ro pirmeng isipon hay ro debosyon sa batang hesus.
Umpisa ko Lunes hasta kahapon nga adlaw it Biyernes hay naging madinaeag-on ro mga hitabu ag natigayon nga maabot ro katuyuan nga makaangkon it mapuslanon ag eowas nga selebrasyon para sa mga deboto, turista ag bisita.
Sa makaron hay padayun ro pagdagsa it mga tawo sa festival zone.
Ginpadumdum man nana ro mga tawo nga makisadya sa selebrasyon nga indi magdaea it mga bagay nga ginabawae ag magsunod sa mga patakaran.
