Ginpahayag it Bureau of Customs (BOC) nga masobra sa 24 billion haega it smuggled goods ro nasabat sa nasyon ko nakataliwan nga dag-on.
Umpisa sa 709 nga operasyon it BOC ko 2022, kapin sa P11.95 billion ro haega it iligal nga droga ro nakumpiska, P7.69 billion haega it counterfeit items ag P1.87 billion haega it agricultural goods.
Ro nabilin nga P2.77 billion sa nasabat nga smuggled goods hay owa eon gindetalye pa it ahensiya.
Sa idaeom it Republic Act No. 10845 ro large scale smuggling it produktong pang-agrikultura kapareho it mga prutas ag tinuea nga gintumod bilang economic sabotage hay sagka seryosong krimen.
Una eon nga ginpahayag ni Pangueong Ferdinand Marcos Jr. nga imaw ro nagatindog bilang head it Agriculture department kamana man sa pilang ideya para matapna ro pag-eapnaag it smuggling sa nasyon.
Sambilog eon kara ro digitalisasyon it BOC ag pagpabaskog it local production it goods sa Pilipinas.
