Nagaplano ro Sugar Regulatory Administration (SRA) it rekomendasyon para sa planong importasyon it ginatantyang 450,000 metrikong tonelada it asukar.
Suno kay SRA Board Member Pablo Luiz Azcona, padayon sandang nagapakig-istorya sa stakeholders para talakayon ro nasambit nga import plan ag nagahueat it instruction maghalin sa gobyerno kung aprubado ro andang rekomendasyon.
Ro planong importasyon it 450,000 MT it asukar hay ensakto sigon sa gusto it Pangueo kaeakip ro target nga pagpabilin it daywang buean nga buffer stock.
Maging ro mga industrial bodies hay sarang nga makapag-suplay sa merkado ag ro tamang timing it pag-import hay naga-ensakto para sa mga mangunguma kadungan it milling season nga maga-umpisa sa Oktubre hasta Mayo.
Gin-insister pa it SRA official nga owa nagapamaeabag ro mga mangunguma sa importasyon, ro ginahinyu eamang sigon nanda hay kung puwedi mag-abot sa nasyon ro mga paga-importon nga asukar pagkatapos it harvest season.
Ginpahayag dugang it SRA nga sarang nga makapag-produce it local farmers n it hasta 1.8 million metric tons it asukar kada dag-on.
Sa pihak nga parte, tag ginkutana man ro opisyal kung makabulig ro planong panibag-ong pag-angkat para mapanaba ro presyuhan sa merkado, suno kay Azcona nga owa it kontrol ro SRA sa mga negosyante.
Apang ginpahayag man it opisyal nga ro P60 farm-gate price hay nagatao it kahigayunan sa mga mangunguma nga mabuhinan kahit paano ro andang paeas-anon maghalin sa mataas nga haega it inputs.
