Ginpahayag ni Ukrainian presidential staff head Andriy Yermak sa ginapatigayon nga World Economic Forum 2023 sa Davos Switzerland nga sumipa eon sa masobra 9,000 sibilyan kaibahan ro 453 pamatan-on ro napatay sa Ukraine umpisa it naglunsar ro Russia it full-scale invasion ko Pebrero it nakataliwan nga dag-on.
Suno pa sa senior presidential aide, nakapaglista ro Ukraine it 80,000 crimes nga gincommit it Russian forces sa kasagsagan it invasion.
Sa virtual remarks it Ukraine official, gin-engganyo kara ro international community nga magbilog it Special International Tribunal para pagapanabton ro liderato it Russia para sa “crime of aggression” kara bangud owa sigon it hurisdiksiyon kara ro International Criminal Court (ICC).
Nag-apela man sa pagbilog it mekanismo para sa kumpiskahin ro assets it Russia para bayaran kara ro halit tuga it giyera.
