Magapanupod ro Department of Agrarian Reform (DAR) it masobra 400,000 ektarya it eugta nga pagatamnan para sa mga benepisyaryong mangunguma sa pamaagi it Support to Parcelization of Lands for Individual Titling (SPLIT) project.
Ro nasambit nga P24.62-billion project nga ginondohan it World Bank ag it gobyerno it Pilipinas hay tuyo nga malinang ro land tenure security ag ma-stabilize ro property rights it kapin sa 1.14 million agrarian reform beneficiaries (ARBs) sakop ro 1.36 million hectares it kaeugtaan sa bilog nga nasyon.
Suno kay Engineer Joey Sumatra, DAR Assistant Secretary for Field Operations ag SPLIT project national director, ginatantyang kapin sa 30% it agrarian reform beneficiaries nga nakalista sa Collective Certificates of Land Ownership Award (CCLOAs) hay owa eon sa lugar kung siin igatugayan ro landholdings ukon pagpanag-iya sa eugta bangud may iba nga gin-abandona eon, namatay ukon ginbaligya eon sa iba ro andang property rights.
