Ginkumpirma kan-o eamang it Guinness World Records nga sangka lola sa Spain ro pinakamagueang nga tawo sa bilog nga kalibutan sa edad nga 115.
Naberipika it Guinness ko Enero 19, 2023 nga si Maria Branyas Morera it Catalonia, Spain ro presenteng may buyot it titulong “Oldest Person Living” sa edad nga 115 years and 321 days old.
Si Morera ro naging pinakamagueang nga tawo sa bilog nga kalibutan matapos namatay ro dating record holder nga si Lucile Randon a.k.a. Sister Andre sa edad nga 118.
Natawo si Morera ko Marso 4, 1907 sa San Francisco.
Nagsaylo ro andang pamilya sa Spain kat imaw hay waeong anyos pa eamang.
Presenteng naga-istar sa Residencia Santa Maria del Tura nursing home ag imaw hay una sa maayos nga kahimtangan partikular ro anang ikamayad nga eawas.
Sa edad nga 115, may sariling Twitter account si Morera ag nakaka-post imaw it mga tweet sa bulig it anang unga.
Suno sa sangka tweet ni Morera, nag abot imaw sa edad nga 115 pinaagi sa maayos nga pakikipag-relasyon sa pamilya ag mga amigo , pagiging positibo sa mga gina-agihan nga problema ag paglikaw sa mga toxic nga tawo.
