KALIBO, Aklan—Nag-arangkada eon ro tatlong adlaw nga Professional Regulation Commision ukon PRC mobile service sa banwa it Kalibo.
Suno kay John Marden Maigue it Public Employment Service Office ukon PESO manager it LGU Kalibo, raya hay natigayon pinaagi man sa inisyatibo ni Kalibo sangguniang bayan member Ketchie Luces kon sa siin nagsponsor imaw it resolusyon nga nagahinyo sa PRC regional office nga daehon ro andang serbisyo sa banwa it Kalibo.
Angot kara, insigida sigon nga nagsabat ro PRC Iloilo kon sa siin gilayon man nga gintalakay sa plenaryo it SB Kalibo hasta nga nafacilitate ag naaprubahan ni Kalibo mayor Juris Sucro.
Ro prayoridad nga makaavail it nasambit nga serbisyo it ahensya hay ro mga nagsikyar it appointment nga bukon eamang it mga residente it banwa it Kalibo kundi bilog nga probinsya it Aklan.
Ro nasambit nga PRC mobile service hay magabuhay hasta sa adlaw it Sabado Enero 28 umpisa alas-8:00 it agahon hasta alas-5:00 it hapon.
Pila sa mga serbisyo nga ginatanyag it ahensya hay ro application for licensure examination; initial registration; renewal ag duplicate of professional indentification cards; processing of petitions; certifications ag authentication.
Sa pihak nga parte, ro nasambit nga inisyatibo hay bentaha para sa mga Aklanon agud nga inde eon sanda magbyahe it maeayo ag inde pa sanda magastusan sa andang accomodation ag pamasahe paadto sa syudad it Iloilo.
Handom ni Maigue nga matuman ag maproseso eon ro ginaplanong makaangkon it PRC satellite office sa banwa it Kalibo.
