Kasunod it sigidas nga pagkasamad it provincial road maghalin sa Brgy. Bacan, Banga paadto it banwa it Libacao hay ginsuhestyon ni Aklan first district board member Nemesio Neron nga kon pwede hay i-convert eon lang raya nga maging national highway agud nga ro pag-maintenance it karsada hay magiging sa idaeom it Department of Public Works and Hihways ukon DPWH.
Apang, sa pagkutana sigon ni Neron hay dapat nga magakonekta man sa national highway ro katapusan it karsada rason nga raya sa makaron ro dapat nga tun-an.
Inde man suno kana mabasoe ro mga daeagkong truck sa idaeom it quarry operations bangud nga legal ro andang negosyo ag nagabayad ro mga raya nga taxes.
Ro dapat nga bantayan sigon hay ro mga nagasueod nga bukon it taga una agud nga malimitahan ro mga naga-agi sa karsada.
Ginpaathag pa ni Neron nga maabong factor ro rason sa likod it pagkasamad it karsada ag inde pwedeng idirekta it turo sa mga daeagkong saeakyan nga nagahakot it sand and gravel.
