Nagpaandam ro Bureau of Customs (BOC) sa publiko kontra sa mga owa it prinsipyong nagapakuno-kuno nga taga-customs nga nagapangayo it pagbayad it mga buwis ag mga baeayran nga dapat bayaran sa pamaagi it virtual wallet ukon bank transfer.
Ginpadumdum it Bureau of Customs nga owa raya nagapangkolekta it mga bayad para sa customs duties ag buwis gamit ro personal accounts ukon sa pamaagi it remittance centers.
Raya hay matapos nga makabaton ro bureau it sangka pekeng sueat nga may logo it customs ro naka-address sa Yannahsher’s Office Supplies, nga may petsang Disyembre 4, 2022, nga nagapangayo it pagbayad it mga buwis nga nagabalor it masobra P128,000 sa pamaagi it online payment ukon bangko .
Sa makaron, hugot nga nagapadumdum ro Bureau of Customs nga ireport sa natungdan kung may kaparehong insidente nga ma-eksperyensyahan ukon uman nga matabo ro makarondaya nga payment scam.
