Ginbaril it US fighter ro sangka Chinese spy balloon sa may bahin it South Carolina bilang sabat sa pag-eabag it Beijing sa soberanya it US.
Gindayaw ni President Joe Biden ro mga fighter pilots sa pagpabagbag it nasambit nga balloon maghalin sa US airspace ag sa ibabaw it US territorial waters matapos ro pag-eupad kara it pilang adlaw eon sa sueod it soberanya it nasyon.
Suno kay US Secretary of Defense Lloyd Austin , ginakabig nga “lawful action” ro ginpatigayon nga operasyon.
Ginpahayag man it Federal Aviation Administration nga ro nasambit nga tikang hay nagtuga it temporary closure sa tatlong southeastern airports bilang kaparte it “national security effort,”.
Una kara, may pagkabakaea pa sigon ro mga otoridad kung igapatigayon pa ro pagbaril bangud sa kahadlok nga magtuga raya it epekto sa mga pumueuyo ag magdaea it halit sa mga propyidad.
Gin-aku man it China’s Foreign Ministry nga ro airship hay maghalin sa China ag raya hay sangka civilian airship nga ginagamit para sa research, partikular sa meteorological.
