Ginbutang sa mga hotels sa Antalya, Turkey ro mga survivors maghalin sa magnitude 7.8 nga linog.
Ginpahayag ni Turkish President Recep Tayyip Erdogan, nga may nakataeana nga 50,000 nga hospital beds sa nasambit nga lugar.
Umabot eon man sa 8,000 nga mga katawo ro andang naeowas maghalin sa lugar nga tinamaan it linog.
Nagtilipon ro masobra 53,000 nga mga rescue personnel para maeowas ro mga naigpit sa linog.
Dugang pa kara ro kalisod sa pagrescue tuga it winter season.
Nakalista man ro US Geological Survey it masobra nga 100 aftershocks matapos ro nasambit nga linog.
Padayon man ro pagbuhos it bulig maghalin sa nagakaeain-eain nga nasyon.
Nagapati man ro mga otoridad nga posibleng madugangan pa ro unang masobra sa 5,500 nga namatay tuga it nasambit nga linog.
