Ginaeauman nga magamahae pa gid ro presyo it nagkaeain-eain nga klase it bueak samtang nagahilapit ro selebrasyon it valentine’s day.
Suno sa negosyante nga si Ms. Evelyn Vasquez nga may pwestong makit-an sa may Roxas Avenue, Kalibo nga makaron pa eamang hay mahae eon ro per stick it andang baligya nga rosas rason nga ginaeauman nga magasaka pa gid ro presyo kara sa masunod nga mga inadlaw.
Ginpahayag dugang nga may naka-arrange sanda nga pangregalo sa presyo nga P250-P350 pesos.
Apang ro naka-bouquet hay nagahampang sa P500-P1,500 pesos ro presyo.
Haeos tanan suno kana nga klase it bueak hay nagtaas ro presyo rason nga eauman nga antes pa man ro selebrasyon it adlaw it tagipusuon hay magasirit pa ro presyo kara bangud nga kinahang-ean man nanda nga bawion ro kapital ag gastos sa maskin sangkiri nanda nga kita.
