Ginpahayag ni Engr. Joey Ureta, maintenance division head it Department of Public Works and Highways ukon DPWH Aklan nga napadaehan eon nanda it sueat ro andang regional office agud nga maassess ro nasamad nga revetment wall sa Sitio Guba, Brgy. Tigayon, Kalibo.
Kapin sa 160-180 meters ro damage it nasambit nga proyekto kon sa siin posible pa raya nga madugangan kon inde gihapon maaksyunan it DPWH region VI.
Ko una sigon nanda nga pagbisita sa lugar hay nataeopangdan eon ro 130 meters nga samad rason nga insigida nanda raya nga ginreport apang uwa gihapon it sabat hasta nga umabot eon sa nasambit nga numero ro damage it revetment wall nga tuga it pagbaha nga gin-umpisahan pa sa nagtaliwan nga bagyo.
Sa makaron suno kana hay nagahueat eon lang sanda it magiging aksyon it regional office ag haom man sanda nga magbulig para maayos eon ro nasambit nga revetment wall
