Ginbatikos it mga nagkaeain-eain nga progresibong grupo ro pagkapasa sa hagna nga tuyo nga taw-an it libreng legal assistance ro mga military ag uniformed personnel nga makasuhan it civil ukon administrative case.
Apang, ginpaathag ni Atty. Chris Gonzales, Department of Justice representative nga sa idaeom it House Bill 6509 nga ginpaboran it 248 sa house of the representatives nga tuyong magta-o it free legal assistance sa mga personnel it Philippine Army, Bureau of Fire Protection, Philippine Coast Guard, Bureau of Jail Management and Penology ag Philippine National Police nga kon ro andang kaso hay nakomitar samtang sanda hay una sa serbisyo ukon on duty.
Ro mga personnel suno kana nga abusado sa serbisyo ag naga-abusar it civilian nga tawo hay bukon it sakop sa nasambit nga libreng assistance it gobyerno.
Nauna eon nga ginakabaeak-an it mga progresibong grupo nga base maabuso ro tawhanong kinamatarong it publiko bangud nga nagapanalig ro mga raya sa libreng assistance it gobyerno
