KALIBO, Aklan—Hugut nga ginabaeabagan it nagkaeain-eain nga grupo ro operasyon it sangka mining company sa bahin it Sibuyan Island sa Romblon.
Suno kay Rodne Galicha, Executive Director of Living Laudato nga dismayado sanda sa kawad-an it aksyon angot sa sangkaterbang violation it natungdan nga kompanya.
Una sigon nga nag-abot ro mga truck ko Enero para magtukod it sangka private port.
Sa pihak it mga pag-oponer halin sa mga residente ag barangay, padayun sigon ro kompaniya sa andang aktibidad.
Dugang pa kara nga owa sanda it maipakitang nagakaigo nga permit.
Samtang, ginakalipay sigon nanda ro pag-release it Department of the Environment and Natural Resources (DENR) it order para pundohon anay ro operasyon it natungdan nga mining company bangud sa nakitang maabo nga pag-eabag.
Makasueobo suno kana nga may mga youth volunteers ag sangka kagawad pa nga nahalitan bangud sa natabo nga komusyon.
Nagaeaum sigon sanda nga mataw-an it nagakaigo nga igtueopangod ro problema ag mapasabat ro mga tawo nga una sa likod kara.//Dapat sigon nga maprotektahan ro kamaeayran it palibot ag mga residente.
