Testingan nga mag inom it sangka tasa it mainit nga salabat pagbugtaw sa agahon ag sa hapon.
Raya hay bukon eamang it pangpanami it boses, maabu pa raya nga mga benepisyo.
Ro salabat ukon taho sa akeanon hay nakakabulig agud nga magnami ro circulation it dugo eabi eon sa may high blood pressure ag mataas ro cholesterol.
Nakakabulig man raya nga limpyuhan ro aeagyan it dugo.
Nagapabaskog man raya it immune system.
Bangud sa gina angkon kara nga Gingerols ag Gingerdiol nga nakakabulig nga masuk-ean ro mga virus ag bacteria, ag pabaskugon ro resistensiya.
Nagabulig man raya nga suk-ean ro cancer cells.
Nagapaduea man raya it sakit ag kabudlay daea it dysmenorrhea.
Mabahoe nga bulig man raya agud nga mabawasan ro arthritis ag pagsakit it ibang parte it eawas.
Makabig man nga stress relief ro salabat bangud nga nakakabulig raya nga mapakalma ro nerves.
Naga-ayos it panunaw ag pag-absorb it sustansya halin sa mga pagkaon.
Nakakabulig man raya nga mapa-improve ro memory ag ibang function it utok.
