Padayon nga nagaeaum ro himata it daywang ka mga mangingisda nga makabalik pa ro mga raya it buhi kanda sa pihak nga pilang adlaw eon sanda nga missing.
Suno kay Romela Victoriano it Barbaza, Antique ko Pebrero 9 bandang alas-8:00 it agahon kat nagdesisyon ro anang asawa nga si Gaudencio Espartero, 38-anyos ag igmanghod nga si Ramel Victoriano, 28-anyos nga magpaeawod agud nga magpangisda.
May mga kaibahan sigon ro mga raya nga nauna eon kanda rason nga kampante sanda nga magpaeawod maskin nga magae-umon ro panyempo.
Apang, sa andang pag-istorya hay uwa sanda nagkita sa eawod.
Masami sigon ro mga raya nga naga-uli it gabi-e hasta it alas-7:00 apang sa raya nga pagpaeawod nanda hay uwa gihapon nakauli hasta sa makaron.
Bangud kara, nagdesisyon sanda nga magreport sa andang Provincial Disaster Risk Reduction Management Office ag magpanawagan iya sa Bombo Radyo Kalibo sa sin-o man nga nakasapopo sa daywa.
Ginpahayag dugang ni Victoriano nga bukon it raya ro unang beses nga naaberya sanda sa eawod apang raya sigon ro mabuhay nga inadlaw nga sanda nakabalik rason nga eubus sanda nga nagakabaeaka sa sitwasyon ag kondisyon it daywang ka mangingisda
