Suspek, patay man  matapos ro  mass shooting sa sangka unibersidad sa Michigan nga ginkamatay it 3 pang katawo, 5 ninahan

Patay man ro  suspek sa panibag-ong insidente it pagpamaril nga natabo sa Michigan State University nga ginkamatay it kapin sa tatlong  katawo samtang 5 man  ro ninahan nga una sa kritikal nga kondisyon.

Suno sa awtoridad, namatay ro 43 anyos nga suspek maghalin sa self-inflicted gunshot wound ag nasayuran nga owa raya it  affiliation sa nasambit nga unibersidad.

Sa makaron, nagapadayon pa ro  imbestigasyon sa motibo it suspek sa pagpamaril.

Suno  kay Interim Deputy Chief Chris Rozman, sa makaron owa pa it nakikitang hangkat  sa crime scene bangud ginapatihan nga naga isaeahanon eamang ro gunman sa nasambit nga  insidente.

Samtang, ginkansela eon tanan nga aktibidad it campus  it daywang adlaw matapos  ro insidente it pagpamaril.