Bukon pa it pirmado ni Pangueong Ferdinand Marcos Jr. Ro Sugar Order No. 6 nga nagapasugot nga maga-import ro Pilipinas it 440,000 metriko tonelada it asukar para sabton ro kinahangeanon it nasyon.
Suno kay Sugar Regulatory Administration (SRA) Board member Pablo Luis Azcona, si Pangueong Marcos bilang Secretary of Agriculture ag Sugar Regulatory Administration Board chairman hay kinahangean anay magtao it komentar sa nasambit nga kasuguan antes sa pagtaeana it sugar importation.
Ginpahayag dugang ni Azcona nga naipadaea eon nanda ro nasambit nga kasuguan sa Malacañang para sa reaksiyon kara it Pangueo.
Kung maibalik man sigon raya sa SRA nga owa it ibang komento si Pangueong Marcos hay nagapatimaan nga raya hay aprubado eon.
Ro Sugar Order sigon hay magiging balido kung mapirmahan it tatlong miyembro it board ag it ex-officio chairman sa Department of Agriculture.
Ginklaro man ni Azcona nga ro SO No. 6 nga ginpirmahan eon nanday Agriculture Senior Undersecretary Domingo Panganiban, acting SRA Administrator David John Thaddeus Alba, ag Millers Representative Mitzi Mangwang hay nag-agi sa tamang proseso.
