Nag-apela ro Gabriela Women’s Organization sa gobyerno nga pasugtan ro International Criminal Court nga magsueod sa nasyon para sa andang pagahimuon nga imbestigasyon sa inhustisya nga anti-drug war campaign it nagtaliwan nga administrasyon ni dating Pangueong Rodrigo Duterte.
uno kay Lucia Francisco, tagapaghambae it nasambit nga organisasyon nga dapat taw-an it patas nga imbestigasyon ag hustisya ro mga ultimong naging biktima it madugo nga kampanya kontra sa droga.
Makasueobo suno kana isipon nga ro mga maeagkong tawo nga sa likod it pag-eapnaag it droga nga eubus nga nag-enjoy ro uwa pa nakulong samtang ro mga inosenteng indibidwal hay ginboe-an it puturo ag kinamatarong nga mag-eawig ro kabuhi sa ibabaw it kalibutan.
Madumduman nga gin-insister ni Pangueong Ferdinand Marcos Jr. nga hasta uwa nasasabat ro mga kutana sa jurisdiction ag magiging epekto kara sa soberanya it nasyon hay inde imaw makipagbuligan sa ICC.
