Pagasuportahan it Estados Unidos ro Pilipinas sa mga aktibidad kara sa Ayungin Shoal bangud nasambit kara nga kaparte raya it exclusive economic zone (EEZ) it nasyon kasunod it ko nagtaliwan nga mapeligrosong laser-pointing activity it China sa Philippine Coast Guard ( PCG).
Ro suporta it Washington para sa Pilipinas hay ginpahayag sa tawag ni US Defense chief Lloyd Austin sa telepono it anang Filipino counterpart nga si Secretary Carlito Galvez Jr.
Sangka readout nga gintao ni Pentagon Press Secretary Brig. Gen. Pat Ryder nga gintalakay it daywang defense chief ro angot sa mga pag-umwad sa West Philipine Sea, kaeakip ro sangka insidente kung siin ro China Coast Guard hay nagtutok it sangka military-grade laser sa mga tripulante it sangka Philippine Coast Guard sa Ayungin Shoal.
Gin-insister ni Secretary Austin ro promisa it Estados Unidos nga suportahan ro mga legal nga kinamatarong ag operasyon it Pilipinas sa West Philippine Sea.
Sa pihak kara sa uman nga pagbukas it topiko angot sa US Mutual Defense Treaty sa Pilipinas, ginpahayag ni Austin nga ro sangka armadong pag-atake kontra sa mga propyidad it Pilipinas, kaibahan ro issue sa Philippine Coast Guard, hay pagasuportahan it Estados Unidos.
