Ginpasiguro ni Pangueong Bongbong Marcos Jr., nga pagapabaskugon kara ro mga trabahador nga Pilipino bilang pagpahaom sa pagsueod it mga foreign investors sa nasyon sa pamaagi it pagsiguro nga ro Pilipinas hay may bastante nga well-educated and highly-skilled workforce.
Sa makaron, nagapahaom eon man ro Department of Labor and Employment ukon DOLE sa pamaagi it pagtutok para resolbahon ro “jobs mismatch issues” sa pamaagi it pagpabaskog sa Filipino workers
Paathag ni Labor Secretary Bienvenido Laguesma,ro pagpasanyog sa mga trabahador hay dapat industry-led ag demand- and market-driven nga kung siin ro mga trabahador hay makakita it trabaho nga ensakto sa andang kapas ag eksperyensya.
Ginpahayag ni Laguesma nga dapat mag-angkon ro Pilipinas it epektibong labor information system para kung igakumpara raya sa nagkaeain-eain nga mga rehiyon hay maging haom eagi nga makabulig sa mga naga-usoy it ideal nga lugar kung siin maga-invest ro mga investors.
Dugang pa ni Laguesma importante man nga pabaskugon ro sistema it nasyon sa digitalization it mga available nga mga trabaho para may kahigayunan nga makapamili ro mga empleyado kung siin nanda gustong magtrabaho ag anong klase nga trabaho.
Ginpahayag dugang ni Laguesma ro mga isyu sa job mismatch hay posible mang masabat sa pamaagi it pagpatigayon it jobs fair, kung siin nakatutok makaron ro DOLE sa pagtumod sa mga kinahangeanon it kada industriya para epektibong masabat ro mga raya.
Samtang, pagatutukan man it administrasyong Marcos ro pagpasiguro nga ro Pilipinas hay may barato ag mapag-on nga suplay it enerhiya nga maghimu it mga trabaho nga may ginaeaumang pagdagsa it mga dumueuong negosyante.
