Umabot pa sa 50 million ro numero it mga masamad nga bakuna kontra COVID-19 sa katapusan it Marso suno sa Department of Health ukon DOH.
Ginkumpirma ni DOH officer in charge Ma. Rosario Vergeire nga kaibahan ro mga bakunang nag-expired eon sa kapin 4.36 million doses it Pfizer ko katapusan it Pebrero.
Ginpahayag man it DOH official nga posibleng magtaas pa ro numero it mga masamad nga bakuna sa mga masunod nga buean sa masobra 60 million tuga eon man it vaccine hesitancy apang padayon sa pagtinguha ro taeatapan para mapataas pa ro vaccination coverage.
Nasayuran nga may kapin sa 3 million doses it Pfizer para sa mga pamatan-on ro nakataeanang masamad makaron nga buean it Marso ag sa Abril.
Kamana man ro 2.16 million Sinovac doses nga maga-expired sa Setyembre ag Oktubre.
Suno pa kay Vergeire nga kapin sa 6.9 million bakuna ro presenteng naka-quarantine samtang ginahueat pa ro approval para sa pagpaeawig it shel life it mga raya maghalin sa vaccine manufacturers ag Food and Drugs Asministration (FDA).
Sa pihak nga parte, ko nagtaliwan nga dag-on , ginbulgar it DOH nga kapin sa 44 million doses it bakuna kontra covid-19 ro nahalitan bangud nag-expired eon ag operational wastage.
