Ginpaandaman ni North Atlantic Treaty Organization (NATO) Secretary General Jens Stoltenberg nga posibleng mauli sa alima it Russia ro kabisera it Ukraine nga Bakhmut sa mga masunod nga adlaw kasunod it pilang buean nga pakigsukoe sa lugar.
Raya ro ginpahayag it NATO official matapos ro pahayag it Wagner mercenary group nga nagapanguna sa pag-atake sa Bakhmut nga nasakop eon nanda ro eastern bank it industrial town nga nadaeasa sa kasagsagan it ginatawag nga longest battle umpisa kat sukubon it Russian forces ro Ukraine sang dag-on ro nakataliwan.
Suno sa Wagner chief ag kaalyado it Kremlin nga si Yevgeny Prigozhin nga nasakop eon it andang pwersa ro bilog nga eastern part it Bakhmut nga sangka salt mining town nga may kapin sa 80,000 nga pumueuyo antes magtuhaw ro giyera.
Ginakabig nga pinakamabuhay ag pinakamadugong giyera ro Battle of Bakhmut antes pa man magtuhaw ro Russian invasion sa Ukraine ko nagtaliwan nga dag-on.
