Sueod eon sa vault final sa FIG Artistic Gymnastics World Cup Series sa Baku, Azerbaijan si Filipino gymnast Carlos Yulo.
Ko Biyernes hay naka-abanse eon sa medal round ro pambato it Pilipinas sa rings ag parallel bars.
Sa pangaywang puwesto si Yulo nga may kabilugang 14.916 points.
Maka-engkwentro nana sa finals makaron nga adlaw it Dominggo ro pambato it Israel nga si Andey Medvedev, Gariel Burtanete it Romania, Nicola Bartolini it Italy, Aurel Benovic it Croatia, Harry Hepworth it Great Britain ag Shek Wai Hung it Hong Kong.
Sa kabilugan, may una eon nga ap-at nga medalya si Yulo sa nasambit nga World Cup series nga ginakaeakipan it bronze sa parallel nga ginhiwat sa Germany, gold sa floor exercise, silver sa parallel bars ag bronze sa vault sa Doha, Qatar.
