Daeayon eon nga ginbasura it Korte Suprema ro reklamong rape nga gindihon it modelong si Deniece Cornejo kontra sa TV host-actor nga si Vhong Navarro.
Base sa 42 nga panig it resolusyon it matag-as nga hukuman, uwa sigon it nakit-ang pag-abuso sa gahum nga unang ginbasura it Department of Justice (DoJ) ro complaint ni Cornejo.
Napas-eawan sigon raya nga makapresentar it malig-on nga argumento ag bukon man it makapati-pati ro anang salaysay.
Sakop sa resolusyon it Supreme Court Third Division ro isyu it sexual intercourse ag acts of lasciviousness kontra sa aktor.
Antes kara, nagsurender ag nakulong pa si Navarro sa pasilidad it National Bureau of Investigation (NBI), antes nga ginsaylo sa Taguig City Jail.
Apang, matapos ro pilang dominggo sa kulungan, nakahilway man imaw matapos magtaeana it piyansang P36,000.
Eubus man ro pagpasaeamat it aktor sa panibag-ong development sa anang ginapangatubang nga kaso sa hukuman.
