Nag-arangkada eon ro online payment it gobyerno provincial para mapadali ro transaksyon it kada indibidwal nga gustong magbayad sa andang obligasyon.
Suno kay provincial treasurer Mr. Bernardino Villaruel, tuyo kara nga inde mabudlayan ro publiko sa andang transaksyon sa provincial office ag inde maabutan it deadline bangud nga maskin sa andang panimaeay pwede sanda makabayad.
Sambilog eon kara ro pagbayad it teminal fee it mga gustong magtabok sa isla it Boracay kon sa siin pwede eon nga magbayad pinaagi sa andang online payment.
Tuyo sigon kara nga madecongest ro pila sa Caticlan Jetty Port eabi eon makaron nga summer season nga ginaeauman ro pagdagsa it maabong turista, bisita ag bakasyunista.
Angot kara, ginasapinal eon sigon nanda ro system bangud nga tuyo nanda nga maayos raya it husto nga inde magkaproblema pag-abot it buean it Abril nga imaw ro peak season it mga magabakasyon sa sikat nga isla.
Pwede suno kana nga mabisitahan ro website nga aklan.gov.ph bangud nga dikaron makit-an ro online payment transaction.
