Mataeupangdan ro mga nabilin nga humay sa pinggan sa lamesa it mga restaurant ag fastfoods.
Gina-aywan ag owa gina-ubos it mga customer.
Kapareho man sa mga food court.
Sa mga karinderya, may mga nabilin man nga humay sa pinggan
Sa mga pagtililipon, halimbawa sa wedding reception, magabo-oe it maabu nga humay ro bisita apang indi man pag ubuson.
Kamana man sa mga birthday ag Christmas parties.
Samtang maabu nga tawo ro gina gutom, maabu man ro naga-uyang sa humay.
Ro nagapanipueos sa mga owa naubos nga nga humay hay ro mga ayam, kuring ag baboy.
Mag-eowas sa humay, maabu man sigon ro nauyang nga isda ag tinuea.
Base sa research, maabu nga mga nauyang nga humay sa mga pamilyang naga-istar sa siyudad ag mataas ro status sa pagpangabuhi.
May una man sigon nga mga Pilipino nga owa naila nga magkaon it “bahaw” ag ro gusto hay bag-ong tug-on.
Rason nga ginpilak eon lang ro mga humay nga mabahaw.
Ginalaygay it mga eksperto nga magtug-on eamang it tama ro kaabuon agud nga indi mauyang ro humay.
Dapat eon nga punduhon it mga restaurant ro andang gimik nga “unli rice”.
Bangud sa unli rice maabu ro nauyang nga humay.
Ro pag-uyang sa humay hay kontra sa programa ni President Ferdinand Marcos Jr. nga panabaan ro presyo it bugas.
Target ni Marcos nga panabaan sa P20 pesos ro kilo it bugas.
Sangkiri nga tiempo pa suno kay Marcos ag maaabot eon it mga pumueuyu ro ginpromisa nga P20 kada kilo it bugas.
Kun magiging P20 ro kilo it bugas, basi nga mas pang mag abu ro mauyang nga humay.
Mas mayad kon indi eon panabaan ro presyo it bugas agud nga magkanugon ro mga tawo ag indi eon mag-uyang.
Kun mataas ro presyo, maskin ro sangka mumu it humay hay pagakanugunan .
