Ginkalipay it mga football enthusiast ro pag-angat it Filipinas sa FIFA ranking it women’s national football team.
Suno kay David Abella, welcome development raya para sa koponan kon sa siin magaserbe raya nga motivation sa nakataeana nga pagsabak sa FIFA Women’s World Cup nga igapatigayon sa mga masunod nga buean.
Halin sa dating 53 hay naging pang 49 eon ro andang apang uwa suno kay Abella raya it kasiguraduhan bangud nga may tyansa nga magasaka ukon mapanaba pa raya depende sa andang performance.
Ginpahayag dugang ni Abella nga mabahoe ro bulig sa koponan ro pagsaka sa andang rankings ag sa kamatuoran hay ginakabig raya nga pinakamataas nga ranking it Filipinas.
Sambilog sa naging susi it pag-angkon it mataas nga ranking it Filipinas hay bangud eon man sa mga manughampang kaparehas nanday Hali Long, Inna Palacios, Quinley Quezada, Tahnai Annis ag Olivia Davies-McDaniel.
Ulihing nakaengkwentro it Filipinas ro mga mabaskog nga koponan sa kalibutan kaparehas it ranked 16th nga Iceland, ranked 25 nga Scotland ag ranked 32 nga Wales sa Pintar Cup nga ginpatigayon sa Spain
