Nagaeaum si Pamplona Mayor Janice Degamo, byuda ni Negros Oriental Governor Roel Degamo nga mapursue ro imbestigasyon sa Senado angot sa kamatayon it anang asawa.
Sa eksklusibong interview it Bombo Radyo Kalibo, ginpahayag it akalde nga kinahang-ean ro nasambit nga imbestigasyon agud nga makatao it accurate nga datos nga nagakatabo sa andang lugar ag sa mga naging kalokohan it otoridad nga uwa naireport.
Suno pa kay Mayor Degamo, nagapati imaw nga maabong nasolbar nga kaso sa pag-imbestiga it senado rason nga hugot ro anang panawagan nga mapasugtan ro andang hinyo nga madaea sa plenaryo ro krimen nga natabo sa gobernador ag iba pang biktima it krimen.
Samtang, ginklaro ni mayor Degamo nga classmate nana ro misis ni Aklan Police Provincial Office (APPO) provincial director Crisaleo Tolentino nga nagpadaeagan man it sang beses sa sangka posisyon sa pulitika sa Negros Oriental
