Bumuhos ro mga estudyanteng pasahero kahapon nga adlaw it Miyerkules sa terminal kasunod it pagdeklara nga halfday eon lang ro opisina sa mga taeatapan it gobyerno maging ro mga klase sa mga pampubliko ag pribadong eskwelahan.
Suno kay Arnel Francisco, dispatcher it Ceres Bus terminal sa Brgy. Estancia, Kalibo nga nataeopangdan ro mataas nga numero it mga pasahero nga dumagsa sa terminal bangud nga nagahingabot ro mga raya it byahe nga makauli sa andang mga banwa ag probinsya.
Angot kara, nagapabilin nga bastante ro andang mga unit bus nga nagabyahe kon sa siin naga-extend sanda it oras hasta nga makasakay ag makauli ro mga pasahero.
Pag-abot it Biyernes Santo hay limitado eamang ro andang pagbyahe kon sa siin may nakastandby man nga unit para sa mga maaeang-aeangan sa oras.
Apang, sa adlaw it sabado hay balik sa normal nga operasyon ro andang pagbyahe.
