KALIBO, Aklan— Ginaeauman nga madugangan pa ro international flights sa Kalibo International Airport.
Suno kay Engr. John William Fuerte, Manager it Civil Aviation Authority of the Philippines ukon CAAP-Aklan nga umpisa sa Abril 20, 2023 hay magasueod eon ro Philippine Airlines halin sa Incheon, South Korea paagto sa Kalibo International Airport vice versa nga may daily flights bandang 11:30 sa agahon.
Raya hay mag-eowas sa T’way Air, Air Seoul ag Tiger Air may naga eksister eon nga biyahe halin sa Incheon Airport paagto sa Kalibo International Airport.
Samtang, makaangkon man it direct flight umpisa sa Abril 26 ro OK Air halin sa Changsha, China nga may tatlong flights kada Domingo.
Sa Hunyo hay uman nga magabalik ro flight it AirAsia sa China ag Taipei, Taiwan.
Ginaeauman nga pinaagi kara hay amat-amat eon man nga magabalik ro mga Chinese tourist sa isla it Boracay nga sanda ro nagapanguna sa tourist arrival antes ro pagtama it Covid-19 Pandemic.
