Nagpatigayon it aerial gunnery ag replenishment-at-sea exercises ro mga nagpartisipar nga naval ships it mga Pilipino ag Amerikano angot sa Balikatan exercises makarong dag-on sa guwa it Brooke’s Point sa probinsya it Palawan.
Ro aerial gunnery exercise hay ginpatigayon sa pamaagi it pagtuead sa aerial contact kung siin ro mga naga partisipar nga naval ships hay kinahangean nga makadetect ag maka-engage.
Samtang ro replenishment-at-sea hay ro pagpatigayon it refueling ag reprovisioning it ibang mga saeakyang-pandagat.
Pagkatapos it mga nasambit nga pag-ensanyo, ro tatlong barko hay magalayag pabalik sa Zambales para sa iba pang mga aktibidad ag pag-ensayo nga gintaeana.
Ro nasambit nga ehersisyo hay kaparte it “Balikatan” makaron nga dag-on nga nag-umpisa ko Abril 11 ag magatapos sa Abril 28.
Nasayuran nga masobra 17,600 tropa it Pilipinas ag US ro nagpakigbahin sa aktibidad nga ginakabig nga pinakamabahoe nga military exercise.
