Makahaeadlok nga eksperyensya ro natabo sa sangka piloto sa South Africa nga si Rudolf Erasmus matapos raya nga magkapasahero it sangka makamandag nga sawa sa anang flight.
Suno kay Rudolf, paadto sanda sa Nelspruit it anang ap-at nga pasahero, kat gulping may nabatyagan imaw nga kakaiba sa anang eawas, matsa may una sigon nga maeamig nga bagay sa tunga it anang legs ag hip nga masaming ginabutangan nana it bote it tubi kon sa siin sa anang pag-eaum hay nagatueo eamang raya.
Apang, kat ana raya nga tan-awon hay haeos malipong imaw bangud nga sangka makamandag nga sawa gale ro kaina pa nagakamang kana.
Bangud kara hay insigida imaw nga nag anunsyo it emergency landing sa pinaka maeapit nga lugar nga sayod nana ag raya hay ro Welkom.
Ginpahayag nana sa anang mga pasahero ro sitwasyon nga may una sigon nga unwelcomed passenger nga nakasueod sa andang byahe.
Matapos ro eowas nga paglanding hay insigida sanda nga nagguwa ag nagtawag it mga tawong magasikyar para sa nasambitang eroplano.
Apang, kat anda raya nga gin-usoy hay uwa eon raya nagpakita ukon inde eon makit-an pa kon sa siin ginapangamuyo eon lang nanda nga nakaguwa eon ro sawa ag inde magbalik pa.
