Pinaagi sa sangka resolusyon nga nakataeanang igapasa sa masunod nga regular session it Sangguniang Panlalawigan it Aklan, gin-anunsyo ni vice governor Atty. Reynaldo Quimpo nga iga-adapt bilang daughter of Aklan si Senator Loren Legarda.
Raya hay bilang pagkilaea kana it mga Aklanon matapos ro sunod-sunod nga pagpanguna sa botohan sa Aklan sa kada eleksyon nga ginapatigayon sa nasyon.
Mag-eowas kara, pamaagi man raya sa pagpasaeamat sa tanan nana nga kontribusyon sa probinsya it Aklan eabi eon sa tyempo it pandemya kon sa siin maabo ro nakaangkon it trabaho ag livelihood nga nasusteniran ro andang pang adlaw-adlaw nga kinahang-eanon samtang nakikipagsukoe ro kalibutan sa makamaeatay nga virus.
Ginpahayag dugang it bise gobernador nga mabahoe ro naging parte it senadora sa pagpromote it kultura it probinsya ag maging sa lokal nga turismo.
Madumduman nga naging dinapit nga bisita si Legarda sa selebrasyon it ika-67th anniversary sa pagtukod ko probinsya it Aklan.
