Matapos nga mabalitaan ro resignation it principal sa Chief Joseph Elementary School sa Great Falls, Montana, may estudyante idtu nga nakaangkon it kabaskog it buot nga nagpadaea it anang resume para mag-apply sa nabakanteng posisyon!
Kat masayuran it 11-years old nga si Ruth Rossmiller nga magahalin eon ro andang principal nga si Mr. Brian Miller, insigida raya nga naghinyu sa anang ina nga buligan imaw nga mag obra it 10-page application letter ag resume.
Ginkakibot it mga school administrators ro pagpadaea ni Ruth it application apang gintaw-an nanda raya it kahigayunan ag nagpaidaeum sa job interview.
Suno kay Mrs. Keeler, sambilog sa mga manugturo nga nakatan-aw it job interview ni Ruth, sobra sigon imaw nga nagdayaw sa unga bangud nga owa raya it anuman nga koeba sa pagsabat sa mga pangutana it school superintendents.
Sa job interview, ginpangutana si Ruth it sambilog sa mga school superintendent kun paalin nana nga pagadumaeahan ro eskwelahan.
Sabat ni Ruth, makaangkon it mga pahampang kada agahon agud nga maengganyo nga magsueod ag indi pagtamaron ro mga estudyante.
Paga obrahon man sigon nga permanente sa menu it canteen ro tacos bangud nga raya ro paboritong pagkaon it mga estudyante.
Gindayaw it bilog nga faculty it school si Ruth bangud sa pagpakita kara it interes sa career nga pang-edukasyon.
Maskin nga owa nabaton bilang full-time principal si Ruth, ginpasugtan imaw it mga school administrators nga maging “principal for the day” ko Abril 24.
