Ginbaliwala ni Filipino gymnast Carlos Yulo ro sangkiring numero it medalya nga anang mahakot sa 2023 South East Asian Games sa Cambodia sa masunod nga buean.
Suno kay Gymnastics Association of the Philippines president Cynthia Carrion-Norton, nga may unang hasta ap-at nga medalya eamang ro pwedeng madag-an ni Yulo.
Kasunod raya sa nagpatigayon it modification ro organizers it SEA Game kon sa siin nalimitahan ro mga event nga pagapasakupan it 23-anyos nga si Yulo.
Dugang pa ni Norton nga haom man ro mga kaibahan ni Yulo sa koponan para makatipon it nagkaeain-eain nga medalya sa mga events.
Ko 2022 SEA Games sigon sa Vietnam hay may kabilugang limang bueawang medalya ag daywang silver medals ro naiuli ni Yulo sa men’s artistic gymnastics samtang ko 2019 SEA Games nga ginpatigayon sa nasyon hay may-una raya nga daywang bueawan ag limang silver medals.
